Eldey fasteignasala kynnir eignina Vestmannabraut 51 C, 900 Vestmannaeyjum, nánar tiltekið eign merkt 01-01, fastanúmer 218-5010 ásamt öllu því sem eigninni fylgir, þar með talið tilheyrandi lóðar og sameignarréttindi. Birt stærð 98.0 fm.

Arndís María Kjartansdóttir Löggiltur fasteigna-, fyrirtækja-og skipasali, í síma 8618901, tölvupóstur [email protected]. kynnir: 
Netta eign með frábæra möguleika fyrir hugmyndaríka og laghenta aðila og væri frábær eign fyrir þá sem vilja eiga litla eign í eyjum á frábærum stað.  Hentar sömuleiðis afar vel til útleigu, bæði vegna staðsetningar og fjölda herbergja. .Eignin er á tveimur hæðum auk kjallara örstutt frá miðbænum og því á frábærum og skjólsælum stað. Eignin er úr timbri en klædd með áli og plasti.  Hún var upphaflega byggð 1934 en viðbyggingu á efri hæð var bætt við síðar. Kjallarinn er 11,9m2, 1. hæðin er 39,3m2 og 2.hæð er 46,8m2 eða samtals 98m2. Skv. fasteignaskrá er lóðin 207,7m2.  Við eignina er steypt baklóð sem hefur verið nýtt undir sólpall úr timbri, en þar er rúmgóður vinnuskúr, grillskáli og geymsluskúr, ásamt heitum potti, nýlegt lok er á pottinum. Norðurhlið/framhlið hússins hefur verið klædd en til er ull og klæðning til að klæða restina af eigninni. Þá eru einnig til tveir nýir gluggar á efri hæð hússins sem á eftir að setja í, en varðandi glugga á neðri hæð, þá væri góður möguleiki að stækka eignina til suðurs með sólskála eða viðbyggingu.  Skipt hefur verið um skolplagnir frá eigninni út í götu. Um er að ræða eldri myndir, þar sem verið er að tæma eignina.
  
Hæð/jarðhæð, 39,3m2.
Gengið er um nýlega steypta stétt með góðum tröppum og lýsingu, frá Vestmannabraut. 
Anddyri, flísar á gólfi. Auðvelt að breyta aðgengi.  
Baðherbergi, flísar á gólfi og hluta af veggjum. Tengi er fyrir þvottavél og þurrkara.  Baðherbergið var stækkað fyrir einhverjum árum. Nett innrétting. 
Eldhús, flísar á gólfi. Hvít innrétting. Lokað var fyrir stiga á efri hæð og hann notaður sem búr. Nýr stigi var útbúinn.
Góður möguleiki er að opna út á pall til suðurs og þ.a.l. stækka eldhús og bæta við stofu. 
 
Efri hæð, 46,8m2. 
Nýlegur stigi er upp á efri hæð. 
Skipt var um parket á efri hæð nýlega. 
Lítið hol með parketi á gólfi. 
Herbergi (1) með parketi á gólfi. 
Herbergi (2) með parketi á gólfi og skáp
Herbergi (3) með parketi á gólfi og skáp
Lítil geymsla. 

Kjallari, 11,9 m2
Þröngur stigi er niður í kjallarann sem er hrár.  Hitagrind og rafmagnstafla er í kjallara.